KL Rahul Athiya Shetty Wedding: સ્ટાર ભારતીય ક્રિકેટર કેએલ રાહુલ અને બોલિવૂડની પ્રખ્યાત અભિનેત્રી આથિયા શેટ્ટી આજે એટલે કે 23 જાન્યુઆરીએ લગ્નના બંધનમાં બંધાશે. ખંડાલામાં સુનીલ શેટ્ટીના બંગલામાં આ કપલ એકબીજાના થઇ જશે.
તે જ સમયે, હવે ઘરની તસવીરો સામે આવી છે. ઘરને સુંદર રોશનીથી સજાવવામાં આવ્યું છે. રિપોર્ટ અનુસાર લગ્ન દરમિયાન તમામ મહેમાનોના સેલફોન જપ્ત કરવામાં આવશે.
લગ્નમાં કપલના પરિવારના સભ્યો અને નજીકના મિત્રો જ હાજરી આપશે. આ સિવાય બોલિવૂડની કોઈ સેલિબ્રિટી અને ક્રિકેટર લગ્નમાં સામેલ થશે નહીં.
આ કપલ 23 જાન્યુઆરી, સોમવારે લગ્નના બંધનમાં બંધાશે. અગાઉ 21 જાન્યુઆરીએ સંગીત અને લેડીઝ નાઈટનો કાર્યક્રમ હતો. ત્યારબાદ રવિવારે મહેંદીનો કાર્યક્રમ યોજાયો હતો.
આ પછી 23મીએ એટલે કે આજે બંને ખંડાલા સ્થિત બંગલામાં સાત ફેરા લઈને એકબીજા સાથે કાયમ માટે લગ્ન કરશે. લગ્ન માટે આ બંગલાની સજાવટ શરૂ થઈ ગઈ છે.
લગ્નમાં આવનારા તમામ મહેમાનો રેડિસન હોટેલમાં રોકાશે. અથિયા શેટ્ટીના પિતા સુનીલ શેટ્ટીએ આ તમામ બાબતો ગોઠવી છે.
લગ્ન પછી, આ કપલ એપ્રિલ મહિનામાં એક ભવ્ય રિસેપ્શન યોજશે, જેમાં બોલિવૂડની ઘણી હસ્તીઓ અને તમામ ક્રિકેટરો હાજરી આપશે.
જણાવી દઈએ કે બંનેના લગ્ન દક્ષિણ ભારતીય રીતિ-રિવાજ મુજબ થશે. એમી પટેલ અભિનેત્રી આથિયા શેટ્ટીને લગ્ન માટે તૈયાર કરશે.
આ સિવાય બંનેના લગ્ન માટેના પોશાક પણ ફાઈનલ થઈ ગયા છે. કેએલ રાહુલના લગ્નનો પોશાક રાહુલ વિજયનો હશે.
લગ્ન માટે મહેમાનોની ભીડ પણ શરૂ થઈ ગઈ છે, જેની તસવીરો ઈન્ટરનેટ પર વાયરલ થઈ રહી છે.
